Maes parcio Pont Melin Fach a Llwybr Elidir

Maes parcio Pont Melin Fach

Nid yw’r maes parcio bychan ym Mhont Melin Fach ym Mharc Cenedlaethol Bannau Brycheiniog ar agor bellach.

Mae rhwystr wrth y fynedfa - peidiwch â cheisio gyrru i'r maes parcio hwn.

Sut i gael mynediad at Lwybr Elidir

Llwybr cerdded o faes parcio Pont Melin Fach i bentref Pontneddfechan yw Llwybr Elidir.

Gallwch chi ddal i ddilyn y llwybr os byddwch chi'n cychwyn o Bontneddfechan.

Mae'r llwybr o Bontneddfechan yn gymharol wastad i ddechrau ond yn fuan daw'n anwastad, a cheir rhai dringfeydd serth.

Mae'r llwybr yn ôl i Bontneddfechan yn dilyn yr un llwybr.

Cadwch yn ddiogel ym Mro’r Sgydau

Mae Llwybr Elidir mewn rhan boblogaidd o Barc Cenedlaethol Bannau Brycheiniog a elwir yn Fro’r Sgydau.

Rydyn ni eich eisiau chi i ddychwelyd adref yn ddiogel ar ôl eich ymweliad â Bro’r Sgydau.

Mae damweiniau difrifol yn digwydd yma i ymwelwyr a chafwyd nifer o farwolaethau yn ystod y blynyddoedd diwethaf.

Rydych yn gyfrifol am eich diogelwch eich hun yn ogystal â diogelwch unrhyw blant ac anifeiliaid sydd gyda chi yn ystod eich ymweliad.

• Rydych chi mewn perygl o ddioddef anafiadau a all newid bywyd neu o gael eich lladd os byddwch yn penderfynu mynd i mewn i’r dŵr.
• Peidiwch â chael eich temtio i neidio i bwll dŵr neu i gerdded i mewn i afon i nofio gan fod y dŵr yn oer, yn ddwfn ac yn llifo’n gryf a cheir creigiau llithrig, cerhyntau cryfion a pheryglon cudd.
• Peidiwch byth â chymryd rhan mewn gweithgareddau fel cerdded ceunentydd neu hafnau a sgramblo oni bai eich bod wedi cael hyfforddiant neu oni bai eich bod yn cael eich goruchwylio gan weithredwr cofrestredig a thrwyddedig.
• Mae llawer o’r damweiniau y mae’r tîm achub mynydd yn cael eu galw i helpu gyda nhw yn cael eu hachosi gan lithro, baglu a chwympo – gwisgwch esgidiau cerdded a chymerwch ofal arbennig ar risiau a thir llithrig.
• Byddwch yn eithriadol o ofalus yn yml dŵr a chadwch at y llwybrau sydd wedi’u harwyddo gan eu bod yn cynnig y ffordd fwyaf diogel – mae mentro y tu hwnt i’r llwybr sydd wedi’i arwyddo yn hynod o beryglus.

Am gyngor ac awgrymiadau i'ch helpu i gynllunio'ch ymweliad, ewch i dudalen Ymweld â'n lleoedd yn ddiogel.

Meysydd parcio eraill ym Mro’r Sgydau

Ein meysydd parcio eraill ym Mro’r Sgydau yw:

• Craig y Ddinas
• Gwaun Hepste

Er mwyn dod o hyd i leoedd eraill i ymweld â nhw ym Mro’r Sgydau ewch i wefan Parc Cenedlaethol Bannau Brycheiniog.